BrowserNav

Autor: Tony Malykh
Compatibilidade con NVDA: de 2019.3 a 2023.1
Descargar versión estable

Complemento BrowserNav para NVDA

Este complemento proporciona aos usuarios do NVDA potentes ordes de navegación no modo exploración. Funciona en navegadores web, así coma en calquera outra aplicación que soporte o modo exploración do NVDA, como documentos de Word e clientes de correo electrónico.

Por exemplo, con BrowserNav podes atopar parágrafos aliñados verticalmente; é dicir, parágrafos co mesmo desprazamento horizontal. Pódese usar para ler árbores xerárquicas de comentarios ou táboas HTML mal formadas. Tamén che permite navegar por parágrafos co mesmo tamano de fonte ou estilo. BrowserNav tamén proporciona novas ordes de navegación dunha soa letra: p para ir ao seguinte parágrafo e Y para ir á pestana seguinte.

Tamén podes atopar parágrafos escrebidos co mesmo tamano de fonte ou estilo.

BrowserNav tamén proporciona novas ordes de navegación rápida: p para o seguinte parágrafo e y para a seguinte pestana.

Descarga

Versión estable actual: BrowserNav
Última versión en Python 2 (compatible co NVDA 2019.2 e anteriores): BrowserNav v1.1

Uso en navegadores e outros programas que soportan o modo exploración

BrowserNav pode usarse para navegar por desprazamento horizontal dende a marxen esquerda da pantalla, por tamano ou por estilo da fonte.

Ao navegar por desprazamento horizontal, podes atopar sinxelamente parágrafos aliñados verticalmente na páxina. Concretamente, podes pulsar NVDA+alt+frechas arriba e abaixo para saltar ao parágrafo anterior ou seguinte coa mesma aliñación, respectivamente. Por exemplo, esto pode ser útil ao explorar árbores xerárquicas de comentarios (como as de reddit.com) para saltar polos comentarios de primeiro nivel e evitar aqueles con niveis máis altos.
Ao navegar por tamano de fonte, podes atopar sinxelamente parágrafos escrebidos co mesmo tamano de fonte, un tamano maior ou menor.
Tamén podes navegar por tamaño de fonte aplicando restricción de estilo.

O rotor de BrowserNav úsase para alternar entre estas opcións. Dependendo do axuste deste rotor, BrowserNav indicará mediante pitidos o desprazamento horizontal ou o tamaño de fonte do elemento selecionado. Ademáis, BrowserNav crepitará coas ordes de navegación rápida para indicar cánto texto se saltou (esta función só está dispoñible en Google Chrome e Firefox).

BrowserNav funciona en calquera navegador soportado polo NVDA, aíndaque algunhas funcións poden non estar dispoñibles en todos os navegadores. BrowserNav tamén funciona noutras aplicacións que soportan o modo exploración de NVDA, como documentos de Word e clientes de correo electrónico.

Atallos de teclado:

NVDA+alt+frchas arriba e abaixo: salta ao parágrafo anterior ou seguinte co mesmo desprazamento horizontal ou tamaño de fonte.
NVDA+alt+inicio ou NVDA+alt+frecha esquerda: salta ao parágrafo anterior con menos desprazamento ou maior tamaño de fonte (parágrafo pai).
NVDA+alt+fin ou NVDA+control+alt+frecha esquerda: salta ao seguinte parágrafo con menos desprazamento ou maior tamaño de fonte (parágrafo pai seguinte).
NVDA+alt+avance páxina ou NVDA+alt+frecha dereita: salta ao seguinte parágrafo con máis desprazamento ou menor tamaño de fonte (parágrafo fillo).
NVDA+alt+retroceso páxina ou NVDA+control+alt+frecha dereita: salta ao parágrafo anterior con máis desprazamento ou menor tamaño de fonte (parágrafo fillo anterior).
NVDA+o: cambia o rotor entre desprazamento horizontal, tamaño de fonte ou tamaño de fonte con restricción de estilo.
Y ou shift+y: salta á pestana seguinte ou anterior.
P e shift+p: salta ao seguinte diálogo ou ao anterior.
Z ou shift+Z: salta ao menú seguinte ou anterior.
` ou Shift+` (comilla inversa ou tilde): salta ao cambio de formato seguinte ou anterior.
\ ou Shift+\ (barra invertida): desprazarse arriba ou abaixo para amosar calquera elemento da páxina, pode seren útil en páxinas web dinámicas para cargar todos os elementos. Tamén pode seren útil en páxinas web con desprazamento infinito para cargar o seguinte fragmento.
0 ou shift+0: salta á vista en árbore seguinte ou anterior.
9 ou shift+9: salta á barra de ferramentas seguinte ou anterior.
NVDA+shift+frecha esquerda: voltar á posición anterior do cursor dentro do documento actual.
NVDA+e: edita algunas caixas de edición semiaccesibles. Consulta a seción correspondente máis adiante.
T ou shift+t: saltar á táboa seguinte ou anterior, pero situando o cursor na primeira celda. Ás veces o NVDA pon o cursor antes da primeira celda e BrowserNav arranxa este comportamento.

Marcadores

BrowserNav 2.0 introduce un novo conxunto de características de marcadores.

Atallos de marcadores

NVDA+j: amosar o menú emerxente de salto rápido.
J ou shift+j: salta ao próximo marcador de salto rápido ou ao anterior.
/ e control+/: alterna o modo omitir desorden para navegar por liñas (frechas arriba e abaixo) e por parágrafos (control+frechas arriba e abaixo) respectivamente.
Alt+j: fai clic en todos os marcadores de clic automático na páxina web.
Alt+1, Alt+2, ..., Alt+0: saltar ao seguinte marcador xerárquico do nivel correspondente. O 0 corresponde ao nivel 10.
Shift+Alt+1, shift+Alt+2, ..., Alt+0: saltar ao marcador xerárquico anterior do nivel correspondente.
Alt+ou Shift+Alt+: salta ao marcador xerárquico seguinte ou anterior de calquera nivel.

Sitios

O primeiro que se debería configurar é o sitio para o que se desexan crear os marcadores. Na maioría de casos podes querer indicar o tipo de coincidencia para que sexa do dominio, ou do dominio e os seus subdominios. Para ilustrar a segunda opción, podes indicar:

URL: amazon.com
Tipo de coincidencia: dominio e subdominios
Esto fará que coincidan amazon.com, smile.amazon.com e todos os demáis dominios *.amazon.com.

Se necesitas un control máis preciso, podes indicar tamén a URL exacta ou definir unha expresión regular para a URL.

A causa desta definición flexible, poden estar activos ao mesmo tempo varios sitios de salto rápido nunha mesma páxina web.

Tipos de marcadores

Unha vez que configuraras a definición do sitio, podes proceder a definir algúns marcadores para el.

BrowserNav soporta actualmente catro tipos de marcadores:

Marcadores de salto rápido: podes saltar a eles premendo j ou shift+j.
Marcadores de saltar desorden: estos marcadores evítanse automáticamente ao navegar por liñas (frechas arriba e abaixo) ou por parágrafos (control+frechas arriba ou abaixo). Esto permite agochar o desorden en páxinas web, coma liñas en branco, marcas de tempo ou outra información redundante. A información non se elimina compretamente, pódese deshabilitar temporalmente o salto de desorden coas ordes / e control+/. Por defecto, evitar desorden sáltase os parágrafos valdeiros en todos os sitios web.
Marcadores de clic automático: pódense marcar elementos clicables, coma ligazóns, botóns ou caixas de verificación, para que sexan marcadores de clic automático. Ao premer alt+j, pódense premer todos os marcadores de clic automático da páxina actual cun so atallo sen mover o cursor. Esto pode ser útil para premer un botón usado con frecuencia nun sitio web, coma o botón de reproducción en YouTube ou o botón Silenciar en sitios web de videoconferencias.
Marcadores xerárquicos: son semellantes aos marcadores de salto rápido, pero teñen en conta o desprazamento horizontal do marcador. Sitios como Reddit e Hacker News teñen una árbore xerárquica de comentarios, bastante difícil de percorrer eficientemente para usuarios de lectores de pantalla. Nestos sitios web podes marcar comentarios como marcadores xerárquicos e navegar entre eles premendo alt+díxito ou alt+shift+díxito, onde díxito é un número da fila numérica: 1, 2, 3... 0 - que sería o nivel do comentario. Por defecto, BrowserNav ten marcadores configurados para Hacker News e old.reddit.com. Sen embargo, foron difíciles de configurar para o sitio web reddit.com moderno, xa que non semella haber un parágrafo sinxelamente localizable que identifique os comentarios.

Creación dun novo marcador

Unha vez configuraras un sitio, o xeito máis doado de crear un novo marcador sería navegar ao parágrafo desexado no documento, premer NVDA+j para amosar o menú de contexto de marcadores e selecionar Marcadores > Crear novo marcador para o sitio...

Abrirase o diálogo de configuración do marcador. Agora podes persoalizar o marcador. Podes cambiar cómo coincide o texto (por exemplo, coincidencia de cadea ou expresión regular).

Outras opciones deste diálogo:

Categoría: define o tipo de marcador.
Nome para amosar: nome opcional deste marcador para unha lexibilidade mellor. Só da un nome mellor para poder identificalo nunha longa listaxe de marcadores.
Mensaje falado cando se atope o marcador: mensaxe opcional que se falará cada vez que alcances este marcador no documento.
Desprazamento en parágrafos: despois de hachar unha coincidencia de texto, BrowserNav desprazará o cursor tantos parágrafos adiante ou atrás como sexa necesario. Esto pode ser útil, por exemplo, se o texto de destino ao que desexas saltar non contén ningún texto común que poda coincidir (p.ex. unha mensaxe nun foro) pero un parágrafo anterior contén unha palabra coincidente (por exemplo, votar). neste caso, podes facer que coincida a palabra votar e especificar desprazamento=1, para situar o cursor no primeiro parágrafo da mensaxe a cambio da palabra votar.
Atributos: listaxe separada por espazos de atributos do parágrafo que coinciden. A listaxe de atributos dispoñibles para o parágrafo actual está dispoñible no seguinte campo do formulario. A listaxe de atributos rechéase previamente con algúns roles comúns e normalmente non é necesario editala.
Atributos dispoñibles no parágrafo actual: todos os atributos que se atopan no parágrafo actual. Podes selecionalos e premer a barra espaciadora para engadilos á listaxe de atributos coincidentes.

Opcións de sitio avanzadas

No diálogo de configuración do sitio podes especificar diversas opcións avanzadas:

Nome para amosar: nome para amosar opcional que mellore a lexibilidade na listaxe de sitios.
Modo foco: permite anular o manexo por defecto dos eventos de foco no NVDA. Certos sitios fan mal uso dos eventos de foco. Para usalos de xeito máis convinnte, podes ignoralos, ou desactivar entrar automáticamente en modo foco cando se recibe un evento de foco.
Modo de rexión viva: algúns sitios web usan mal as rexións vivas. Esta opción permite desactivar o anunciado de rexións vivas só no sitio web actual.
Modo de pitidos de depuración: este modo úsase principalmente con propósitos de depuración. Pódese facer que o NVDA pite cando ocorran certos eventos (foco, actualización de rexión viva ou clic automático exitoso).
Opcións de clic automático: ao se configurar un marcador de clic rápido, pódese permitir que se faga clic no marcador tras un certo tempo de espera unha vez o sitio web está compretamente cargado. Outra opción permite que BrowserNav se manteña vixiando o sitio web e sempre que apareza calquera marcador de clic rápido, faga clic nel. Ten en conta que esta función é experimental.

Configuración

As definicións de marcadores almacénanse no cartafol de configuración do NVDA, no arquivo browserNavRules.json. Podes editar este arquivo manualmente ou compartilo con alguén.

Pódese atopar o cartafol de configuración do NVDA abrindo o menú Inicio e escrebindo: Explorar directorio de configuración do usuario de NVDA.

O arquivo de configuración predeterminado de BrowserNav inclúe marcadores de exemplo.

Editar caixas de edición semiaccesibles

Moitas aplicacións web modernas, coma Jupiter entre outras, usan caixas de edición que non son accesibles. Por exemplo, amósanse en branco, pero podes copiar texto de elas ou pegalo cos atallos control+e, control+c e control+v.

BrowserNav ofrece unha función experimental para editar estas caixas de edición de xeito máis convinnte. Para usala:

Procura a Caixa de edición na xanela do navegador.
Preme NVDA+e.
Aparecerá unha nova xanela cos contidos da Caixa de edición.
Edita os contidos da Caixa de edición nesta xanela.
Cando remates, podes premer escape para pechar a xanela de edición acesible e actualizar a caixa de edición na páxina web.
Alternativamente, podes premer control+intro, shift+intro ou alt+intro. Esto pechará a xanela de edición, actualizará a Caixa de edición e pasará o xesto á aplicación web.
Para pechar a xanela de edición sen gardar os cambios, preme alt+f4.
En calquera intre, se se perden os contidos do texto previamente editado, preme NVDA+control+e para copialo ao portapapeis.

Notas:

Non cambies o estado do navegador. P. ex. non cambies de pestana e non leves o foco a outros elementos dentro da pestana mentres a xanela de edición de texto está aberta. Ao facelo evitas que BrowserNav actualice o texto correctamente na Caixa de edición.
Asegúrate de soltar os modificadores control, shift ou alt rápidamente tras premer control+intro, shift+intro ou alt+intro. mantelos durante aproximadamente un segundo causará problemas.
Esta función é experimental na actualidade. Espera unha tasa de éxito do 90-95%.
Probouse exhaustivamente con Google Chrome e Firefox. Podería funcionar noutros navegadores, pero hai unha maior posibilidade de problemas, como a pérdida de información.