Screenshots wizard
- Author: Javi Domínguez.
- descargar versión estable, compatible con NVDA 2021.2 en diante.
Este complemento proporciona un asistente para tomar capturas de pantalla da pantalla enteira ou de áreas específicas como obxectos, xanelas, etc. Actívase mediante a tecla imprimir pantalla que en teclados estándar é normalmente a primeira do grupo de tres á dereita do F12. Se prefires utilizar outra, pódese configurar nas preferencias de NVDA, xestos de entrada.
Cando se invoca o asistente, créase un rectángulo virtual arredor do obxecto co foco e actívase unha capa de ordes de teclas coas seguintes
ordes
- F1 presenta unha mensaxe de axuda con ordes básicas; premela dúas veces abre este documento.
Información do rectángulo
As teclas do 1 ó 7 proporcionan a seguinte información:
- 1: Coordenadas das esquinas superior esquerda e inferior dereita.
- 2: Dimensións do rectángulo, ancho por alto.
- 3: O obxecto de referencia.
- 4: Proporción da área do rectángulo ocupada polo obxecto de referencia.
- 5: Indica se parte do obxecto de referencia está fóra do rectángulo.
- 6: Indica se o rectángulo sobrepasa os límites da xanela activa en primeiro plano.
- 7: Proporción da pantalla ocupada polo rectángulo.
A tecla espazo le toda esta información nunha liña.
Selección de obxecto
O obxecto de referencia é o obxecto na pantalla que está delimitado polo rectángulo todas as veces. Ó principio, este obxecto será aquel co foco do sistema, pero pódese seleccionar outro coas seguintes teclas:
- Frecha arriba: enmarca o contedor do obxecto actual.
- F: Enmarca o obxecto co foco.
- N: Enmarca o obxecto no navegador de obxectos.
- W: enmarca a xanela activa.
- M: enmarca o obxecto baixo o punteiro do rato.
- S: Enmarca a pantalla enteira.
Coa frecha abaixo os cambios desfanse.
Tamaño do rectángulo
O tamaño do rectángulo pódese modificar utilizando as seguintes teclas:
- Con shift + frechas móvese a esquina superior esquerda:
- shift + frecha arriba ou abaixo move o borde superior,
- shift + frecha esquerda ou dereita move o borde esquerdo.
- Con control + frechas móvese a esquina inferior dereita:
- control + frecha arriba ou abaixo move o borde inferior,
- control + frecha esquerda ou dereita move o borde dereito.
- control + shift + frecha arriba expande o rectángulo, movendo todos os catro bordes cara fóra.
- control + shift + frecha abaixo contrae o rectángulo, movendo todos os catro bordes cara dentro.
O númeor de píxeles destes movementos pódese cambiar coas teclas retroceso de páxina e avance de páxina. Tamén nas preferencias.
Ó redimensionar o rectángulo o obxecto de referencia pode cambiar. Sempre tratará de seleccionar o obxecto que estea centrado, en primeiro plano e que ocupe unha área máis grande dentro do rectángulo. Os cambios de obxecto anunciaranse cando se produzan.
Capturar a imaxe
A tecla intro captura a imaxe da área da pantalla delimitada polo rectángulo, gárdase nun arquivo e sae.
A tecla escape cancela e sae.
Opcións
Nas preferencias de NVDA; opcións, pódense configurar os seguintes axustes:
- O cartafol onde se gardarán os arquivos. Por defecto, a carpeta de documentos do usuario.
- O formato do arquivo da imaxe.
- A acción despois de gardar (nada, abrir o cartafol ou abrir o arquivo).
- O número de píxeles para cada movemento.